About Me

Who am I?

Hello dosto, Aaj mera life ka bahot hi khaas din hai. Aaj main apne pehle niche blog helpshubham.com ka pehla text likh raha hun. Ye main About Me page ke liye likh raha hu.

Agar aap ye article padh rahe hain toh isse last tak padhe shayd aapko meri blogging journey jaan kar kuch motivation mil jaye.

Who Am I?

Guys, mera naam Shubham Singh hai. Main Andal, West Bengal ka rehne wala hun. Main abhi student hun. Main ek middle class family se belong karta hun. ( Sayd agr ye blog chal jaye toh mai ye Middle Class hta ke rich likhdu ? )

Main bahot hi shy hun aur studies me bhi main thik hi hu. Isse jyada apne bare me batane ke liye kuch hai nahi waise aapko kuch aur puchna ho toh comment karke puch sakte hain.

 

My Life Till Now?

Friends, main aapko internet me aane se pehle ke life ke bare me jyada bata toh nahi skta lekin ye hi keh sakta hu ki wo samay accha se hi bita. Mujhe bachpan se hi mobile chalane ka bada soukh tha. Mujhe koi bhi mobile mil jaye toh mai tip-tap karta rehta tha. Haalaki mera paas keypad phone hi tha lekin mai usme bhi games khelta rehta tha. Fir mere father ne mujhe Internet chalana sikhaya (uss keypad phone me hi) aur  jo maine pehli site open ki thi wo thi bossmobi.com. Maine waha se ussi din bahot saare songs and games download kiya kyonki main itna excited tha. Uss din maine bilkul hi naya chij experience kiya tha.

Kuch dino tak mai wahi site visit krta raha. Fir maine Google pe search krna sikha aur fir meri diljasbi aur badhte chali gayi. Uss time wo phone mere father ke paas hi rehta tha toh wo jab ghar me hote the toh hi mujhe mobile chalane ka mouka milta. Fir lag bhag 6-7 months ke baad unhone ek naya phone le liya aur ye keypad phone mujhe milgya. Fir kya tha mai din bhar iss phone me laga rehta. Mai net me jyada kuch nahi bas study related things search krta rehta tha.

FACEBOOKKKKKKKKKKKKKKKKKKKKK……..

Fir entry li Facebook ne. Darasal Uss time mere kuch friends Facebook use karte the toh maine bhi Facebook account bna liya. Mujhe kuch idea nahi tha ki Facebook kya hai. Fir Dheere dheere (1-2 din me) maine Facebook chalana sikha. Fir kya tha mai Facebook se pura addict hogya aur mai friends bnata chla gya (abhi mere 4.2k friends hai). Mere kuch bahot hi acche friends (only boys)  bhi bane Fb pe jinse main din bhar chat krta rehta tha. Aise chatting aur friends bnate-bnate 1 saal gujar gya. Mere paas ab bhi wo purana keypad wala phone tha jiska mai already 2-3 buttons tod chuka tha. Aur ab toh Facebook bhi boring lagne laga tha mujhe aur maine chatting bhi kam kardiya tha. Uss time ( 2 saal pehle) mai soch bhi nahi skta tha ki mujhe Android phone kabhi milega. Aur laptop toh durki hi baat hai.

Lekin fir ek din kuch aisa huya jisse mera pura life hi badl gaya aur aaj jo mai ye post likh pa raha hu wo sirf ussi ki wajh se hai.

Toh friends ye baat hai November, 2015 ki. Saal me iss samay winter season hota hai aur hamare yha iss season me bair (plum) bahot phadte hain. Mere ghar ke paas hi ek Railway track hai toh mai waha jaya krt tha bair khaane. Toh aise hi ek din mai jaa raha tha toh mujhe ek mobile pada huya mila track pe. Uss samay mere khusi ka thikana na raha. Wo screen touch mobile tha (java). Main bhaagte huye us phone ko lekar ghar gya aur sabhi ko bataya. Mai bhot hi jyada hi khush tha uss din. Halaki wo mobile sirf java touch phone tha android nahi tab bhi bahot accha phone tha.

Toh mai uss mobile se bhi kuch dino tak sirf facebook aur twitter hi chalaya. Lekin dheere dheere mera ghar ka financial condition kharab hota ja raha tha. Paiso ki bahot tangi thi. Mujhe bahot bura lagta tha ye sab apne aankh ke saamne hote huye dekh kar. Lekin mai kuch toh kar skta na tha.

Kuch din aise hi bitne ke baad mere dimaag me idea aaya “kya mai kisi bhi tarh paise kama sakta hu apne family ke liye?

Ye idea aate hi maine search kiya Google pe ki “How to Earn Money” toh maine uss din lag bhag 100 se jyada sites chhan mara aur lagbhag har site me maine Online earning karne ka bhi jikr dekha. Mujhe uss time believe toh nahi huya ki koi bhi Online Earning kar skta hai lekin fir bhi curiosity ke karan maine fir se search kiya “How to Earn Money Online?” aur iss baar toh main hafto tak Online Earning ka tarika ke bare research krta raha. Maine bahot saare tarike dekhe jaise Blogging, Affiliate Marketing, Freelancing etc.

Fir maine ek-ek karke in sabhi topics ke bare me jankari prapt ki. 1-2 Mahine tak mai yahi sab krta raha aur dusro bloggers ke Income Reports padhke mujhe aur jyada motivation milna start huya. Lekin mai majboor tha kyonki mera paas na hi Android Phone tha ya koi Laptop. 

To be continued…….

Note: Friends main ye About Me page tab hi pura karunga jab iss website pe main 500 articles likhdu. So, agar aapne isse pura padha aur abhi gusse mein hain toh sorry. Maine ye apne liye target bnaya isiliye abhi complete ni kr skta aur btane ke liye mera paas bahot saare baatein hain. Chaliye ab ye About page edit hoga 500 words ke baad.

Thanks for reading.

 

Help Shubham